Որոշակի գումարի դիմաց կազատվեն զինվորական ծառայությունից

Թուրքիայի պաշտպանության նախարար Իսմեթ Յըլմազը հայտարարել է, որ Կուրբան-Բայրամի տոնակատարությունից հետ կառավարությունը կսկսի մշակել մի օրինագիծ, որը հնարավորություն կտա պոտենցիալ զինակոչիկներին որոշակի գումարի դիմաց չծառայել բանակում. տեղեկացնում են թուրքական ԶԼՄ-ները:

«Օրինագիծը մանրամասն կմշակվի եւ կներկայացվի վարչապետ Էրդողանին»,- ասել է նախարարը:

Թուրքական խորհրդարանի խոսնակ Ջեմիլ Չիչեկը նույնպես կողմ է օրինագծին: «Բոլոր քաղաքական կուսակցություններն այդ որոշմանը դրական են վերաբերվում»,- հայտարարել է նա:

Զինապարտության հարցը լայնորեն քննարկվում է Թուրքիայում, քանի որ արդեն տասնյակ տարիներ երկիրը պայքար է մղում ահաբեկչության դեմ: Զինապարտ են համարվում բոլոր առողջ տղամարդիկ, իսկ ծառայության ժամկետը կախված է զինակոչիկի կրթության մակարդակից եւ զինված ուժերի կարիքներից:

Ներկայումս համալսարանների շրջանավարտները զորակոչվում են 6 ամիս ժամկետով` որպես շարքային, եւ մեկ տարով` որպես սպա: Ովքեր բակալավրի կոչում չունեն, պարտավոր են ծառայել 15 ամիս: