Ուսանողները մոլորվել էին Արագած լեռան գագաթին

Երեկ երեկոյան Արագածոտնի մարզում Արագած լեռան հարավային գագաթի ուղղությամբ վերելք կատարելու ժամանակ Սլավոնական համալսարանի 18 հոգուց բաղկացած խմբի երկու անդամների առողջական վիճակը վատացել է եւ անհրաժեշտ է եղել փրկարարական և բժշկական օգնություն:

Ինչպես տեղեկացնում են Արտակարգ իրավիճակների նախարարությունից, դեպքի վայր են մեկնել մարզային փրկարարական վարչության ջոկատը և շտապօգնության երկու բրիգադ: Փրկարարները գագաթից իջեցրել են վատառողջ 18-ամյա Ռուբինա Դովլաթյանին եւ 25 ամյա Մոնիկա Դիլանյանին: Ուսանողներին շտապօգնության մեքենաներով տեղափոխել են Ապարանի բժշկական կենտրոն, որտեղ նրանք ստացել են առաջին բուժօգնություն և դուրս գրվել: