Պաղեստինամետ ակտիվիստների նավերն անհետացել են

Պաղեստինամետ ակտիվիստները կորցրել են կապը երկու նավերի հետ, որոնք փորձում էին հասնել ծովային շրջափակման մեջ գտնվող Գազայի հատված, երբ իսրայելական ռազմական նավերը կանգնեցրել են դրանք միջազգային ջրերում:

Ակտիվիստների մամուլի քարտուղարը «Ամերիկայի ձայն -ին հայտնել է, որ այս երեկոիսրայելական նավերը մոտեցել են ակտիվիստների նավերին եւ հարցրել, թե ինչ ուղղությամբ են դրանք շարժվում: Հնչել է «մարդկության խղճի եւ բարօրության» պատասխանը: Դրանից հետո կապը նավերի հետ ընդհատվել է: Ենթադրվում է, որ իսրայելցիներն են խափանել կապը:

Կանադական Tahrir եւ իռլանդական Saoirse նավերին 27ակտիվիստ կա: Նրանք Գազայի հատված են ցանկանում հասցնել 30 հազար դոլարի հումանիտար օգնություն: Նավերը նավարկության էին դուրս եկել Թուրքիայից նոյեմբերի 2-ին: