Ավտոճանապարհների վերաբերյալ տեղեկատվություն ստանալու համար զանգահարեք 56-25-33

ՀՀ տրանսպորտի եւ կապի նախարարությունում հանրապետության ավտոճանապարհների վերաբերյալ տեղեկատվություն ստանալու համար գործում է թեժ գիծ` 56.25.33 հեռախոսահամարով:

Բացի այդ` նոյեմբերի 15-ից նախարարության պաշտոնական կայքէջում կտեղադրվի ճանապարհների իրավիճակը նկարագրող քարտեզ:

ՀՀ տրանսպորտի եւ կապի նախարար Մանուկ Վարդանյանի` վրացական կողմի հետ ձեռք բերված պամանավորվածության համաձայն` նախարարության կայքի առաջին էջում արդեն տեղադրված է Վրաստանի ավտոճանապարհների, այդ թվում` Վերին Լարսի անցակետի վերաբերյալ տեղեկատվություն` Վրաստանի ճանապարհների դեպարտամենտի էլեկտրոնային հասցեն եւ հեռախոսահամարը: Տեղեկատվությունը պարբերաբար կթարմացվի. տեղեկցնում է ՀՀ տրանսպորտի եւ կապի նախարարի մամուլի քարտուղարը: