Մոտակա երկու տարում կարգավորման հույս չունենանք

Մոտակա երկու տարում Ղարաբաղյան հակամարտության կարգավորման բանակցային գործընթացում առաջընթաց չի սպասվում. այսօր ադրբեջանցի լրագրողների հետ հանդիպման ժամանակ ասել է Միջազգային ճգնաժամային խմբի եվրոպական ծրագրերի տնօրեն Սաբինա Ֆրեյզերը:

Ըստ նրա` դա պայմանավորված է ինչպես ԵԱՀԿ Մինսկի խմբում համանախագահող երկրներում, այնպես էլ Հայաստանում եւ Ադրբեջանում անցկացվելիք ընտրություններով. տեղեկացնում է 1news.az-ը:

«Միջազգային հանրությունը եւ համանախագահող երկները մեծ հույսեր էին կապում Կազանի հանդիպման հետ, սակայն դրա արդյունքները մեզ հիասթափեցրին: Հույս ունենք, որ այս հիմնախնդրի կարգավորումը միայն խաղաղ ճանապարհով կլինի: Թեեւ, մեր կարծիքով, մոտակա երկու տարում բանակցությունները կդանդաղեն, մենք համարում ենք, որ քաղաքացիական հասարակությունների մակարդակով բանակցությունները պետք է շարունակվեն»,- նշել է Ս. Ֆրեյզերը: