Առաջիկա օրերին պաշտոնանկություն չի սպասվում

ՀՀԿ գործադիր մարմնի նիստ այսօր չի լինելու: Այս մասին «Երկիր»-ի հետ զրույցում նշեց ԱԺ ՀՀԿ խմբակցության պատգամավոր Հովհաննես Սահակյանը:

Նա վստահեցրեց, որ երեկվա նիստի ժամանակ փոխվարչապետ Արմեն Գեւորգյանի հրաժարականի հարցը չի քննարկվել, իսկ նրա հետ նորմալ աշխատանքային հարաբերություններ են: Սահակյանը հերքեց, որ փոխվարչապետն արդեն իսկ հրաժարականի դիմում է ներկայացել: Հանրապետական պատգամավորը նշեց նաեւ, որ ԱԺ նախագահի թեկնածուի հարցը դեռ չի քննարկվել, որեւէ բան որեւէ մեկին դեռ հստակ հայտնի չէ:

Նշենք, որ մեր ունեցած հավաստի տեղեկությունների համաձայն այսօր եւ առաջիկա երկու-երեք օրերին նոր պաշտոնանկություններ չեն սպասվում: