Անփոփոխ դրոշակակիրը Ալբերտ Ազարյանն է

Այսօր Երեւանում Հայաստանի ազգային օլիմպիական կոմիտեի նախագահ Գագիկ Ծառուկյանը պայմանագիր է կնքել ռուսական  «Ֆորվարդ» մարզահագուստի ընկերության հետ, որը մարզահագուստ կտրամադրի Հայաստանի օլիմպիական հավաքականի մարզիկներին Լոնդոնում անցկացվելիք 2012թ. օլիմպիական խաղերի համար:

Ի դեպ, այս ընկերության մարզահագուստններն են կրում նաեւ ՌԴ օլիմպիականները:

Պայմանագրի ստորագրումից հետո Գ. Ծառուկյանն ասել է, որ Լոնդոնի օլիմպիադայում Հայաստանի դրոշը կտանի Ալբերտ Ազարյանը,  այնուհետեւ, դիմելով վերջինիս, նշել է. «Քանի կաս` 100, թե 120 տարի, դու ես տանելու: Դրանից հետո կորոշես, թե ով կտանի մեր դրոշը»:

ՀԱՕԿ նախագահը նաեւ խոստացել է, որ Լոնդոնի ամառային օլիմպիադայում «մեր մեդալների գույները կփոխվեն»: