Չէի ցանկանում 10 անգամ անընդմեջ պարտվել Շարապովային. Ստոսուր

Ավստրալիայի ներկայացուցիչ Սամանտա Ստոսուրը Ստամբուլում կայացած WTA-ի ամփոփիչ մրցաշարի` ռուսաստանցի Մարիա Շարապովայի հետ հանդիպումից հետո ներկայացրել է իր տպավորությունները։ Հիշեցնենք, որ Ստոսուրը 6/1, 7/5 հաշվով հաղթել է Շարապովային` այդպիսով վերջ դնելով Մարիայից կրած 9 անընդմեջ պարտությունների շարքին։

«Ինձ համար այս հաղթանակը հավասար է հերոսական արարքի։ Չէի ցանկանում պարտվել ինչ-որ մեկին 10 անգամ անընդմեջ: Ես չէի կորցնում հավասարակշռությունս, խաղում էի բավական հանգիստ և պատրաստ էի ամեն ինչի։ Ես փորձում էի բազմազանություն մտցնել իմ խաղի մեջ և ուրախ եմ, որ ինձ դա հաջողվեց»,- ասել է թենիսիստուհին։