ԱԶԳ. Հրեական հիմնադրամը` Հայոց ցեղասպանության մասին

«Ռաուլ Վալենբերգ» միջազգային հիմնադրամը, ինչպես հոկտեմբերի 22-ին զարմանքով նշել է Նյու Յորքի turkishny.com կայքէջը, հրատարակել է մի գիրք, որտեղ Հայոց ցեղասպանությունը համեմատվում է Հոլոքոստի եւ Կամբոջայի ցեղասպանությունների հետ:

Այս գիրքը, կայքէջի վկայությամբ, գրի է առել Մասաչուսեթս համալսարանի պրոֆ. Էրվին Սթուբը: Գրքում հեղինակը 1915-ի իրադարձությունները բնութագրել է որպես «պատմության առաջին արդի ցեղասպանությունը», նշել է, որ թուրքերը բացարձակ չեն ընդունում իրողությունը` համարելով դա ինքնապաշտպանություն եւ ներքին թշնամուն երկրից վտարելու դրսեւորում, ապա եւ ավելացրել է. «Այս փաստերն անգամ բավարար են իրադարձություններն իբրեւ ցեղասպանություն որակելու համար: Հայերի ցեղասպանության եւ Հոլոքոստի միջեւ կան տարբերություններ»:

Ի դեպ, հիմնադրամը հրեական է, որն էլ հարկ է համարում ընդգծել թուրքական կայքէջը: