ԺՈՂՈՎՈՒՐԴ. ՊՆ-ում լուրջ խմորումներ են սկսվել

Համաձայն թերթի իրազեկ աղբյուրների` ՀՀ պաշտպանության նախարարությունում լուրջ խմորումներ են սկսվել: Պատճառը դարձյալ հասարակական կազմակերպություններն են, որոնց ընդունել էր ՀՀ ՊՆ առաջին տեղակալ Դավիթ Տոնոյանը:

Բանն այն է, որ ՊՆ-ում որոշված է եղել շատ չոր արձագանքել բոլոր նրանց, ովքեր Հայաստանից դուրս եկած կազմակերպությունների կողմից են ֆինանսավորվում, այսինքն` այն, ինչ արեց ՊՆ իրավական հարցերով տեղակալ Վլադիմիր Գասպարյանը: Սակայն Դ. Տոնոյանը, ըստ ՊՆ-ի «հասկացողության», ավելի փափուկ է գտնվել, ավելին, ողջունել է «Բանակն իրականում» նախաձեռնության անդամներին, որոնց Վլադիմիր Գասպարյանը «գրանտակեր» էր անվանել:

Ըստ թերթի տեղեկությունների` հարցը պետք է քննարկվի երեկվանից արդեն արձակուրդից վերադարձած պաշտպանության նախարար Սեյրան Օհանյանի մոտ, եւ գուցե առաջիկայում հետաքրքիր զարգացումներ լինեն: