Դոշ ծեծողներն էլ "պատճառ" կունենան

Կառավարման փորձագետ Հարություն Մեսրոպյանի համոզմամբ ՀՀԿ-ի եւ ԲՀԿ-ի մասին լարված կամ թվացյալ լարված խոսակցություններով ցանկանում են զբաղեցնել ժողովրդին եւ անձերի միջեւ հարցերը նախապես լուծել: Մեսրոպյանը չի հավատում այն կարծիքին, թե կոալիցիայից դուրս գալուց ԲՀԿ-ն կարող է մեծ թվով ձայներ հավաքել:

Փորձագետը նշեց, որ «բոլորին են հայտնի ձայն հաշվողները, ովքեր իրենց դեմ աշխատել չեն կարող»:

Եւ չնայած նրան, որ ՀՀԿ-ի եւ ԲՀԿ-ի շուրջ կրքեր բորբոքվեցին, բայց փորձագետն առավել քան համոզված է, որ վերեւների մեջ ընդդիմություն չի կարող լինել, «իսկ այսօրվա դոշ ծեծողներն էլ կարող են վաղը մտնել կոալիցիայից մեջ` պատճառաբանելով, թե մտահոգված էին ազգի ճակատագրով»: