Վճարիր, որքան կարող ես

Համաշխարհային հռչակ ունեցող ռոք երաժիշտ Ջոն Բոն Ջովին Նյու Ջերսիում բացել է «Հոգեւոր խոհանոց» (Soul kitchen) բարեգործական ռեստորանը: Այն գործում է «Վճարիր, որքան կարող ես» սկզբունքով. հաղորդում է Associated Press-ը:

Ռեստորանի ճաշացուցակում գները նշված չեն, այցելուները կարող են պատվիրածի դիմաց վճարել այնքան, որքան կարող են: Բացի այդ` մարդիկ, ովքեր ընդհանրապես չեն կարող վճարել, կարող են սնվել ռեստորանում այն պայմանով, որ այնտեղ աշխատանքի կանցնեն:

Ռեստորանը բացվել է երկաթուղու կայարանից ոչ հեռու: Բացման օրը երգիչը ներկա է եղել եւ ակտիվորեն մասնակցել աշխատանքներին, նույնիսկ ափսեներն է լվացել:

Բոն Ջովին 2006 թվականին հիմնել է բարեգործական John Bon Jovi Soul Foundation հիմնադրամը, որի միջոցներով աղքատների համար կառուցվել է 260 տուն: