Քննադատում ենք մշակույթը

Այսուհետև «Արտերիա» մշակութային քննադատական կայքը հնարավորություն կտա խոսակցությունների ու քննարկումների միջոցով վերհանել արվեստի ու մշակույթի տարբեր ոլորտների հիմնախնդիրները:

«Կայքի ստեղծման մտահղացումն առաջացել է անցած տարի «Դարձ առ գիրք», փառատոնի շրջանակներում անցկացվող սեմինարներից մեկի ժամանակ»,- ասաց «Հայ գիրք» կենտրոնի նախագահ և կայքի խմբագիր Մկրտիչ Մաթևոսյանը:

Կոմպոզիտոր Տիգրան Մանսուրյանը նույնպես նշեց, որ կարևորում մշակութային կայքի ստեղծումը, քանի որ մինչ այս չունեինք այնպիսի մի պարբերական, որում կքննադատվեր մշակութային անցուդարձը:

Էջի պատասխանատուներից Լևոն Գյուլխասյանը տեղեկացրեց. որ, կայքը բաղկացած է տարբեր բաժիններից` գրախոսություն, ճարտարապետություն, երաժշտություն, փիլիսոփայություն, ինչպես նաև երգիծական. «Սա այն ժանրն է, որը հնարավորություն է տալիս ծաղրանկարների միջոցով առաջացած խնդիրներին լուծում տալ»: