ՀՐԱՊԱՐԱԿ. Աբսուրդը շարունակվում է

Երեկ «Ժողովուրդ» թերթը հերթական դատական հայցն է ստացել: Հայցվորն այս անգամ Կուրորտաբանության եւ ֆիզիկական բժշկության գիտահետազոտական կենտրոնի տնօրեն Բենիկ Հարությունյանն է, ով «Դոկտոր, պրոֆեսորի արկածները ոսկու հանքերում» հոդվածում իրեն զրպարտելու եւ վիրավորելու փաստեր է նկատել եւ դիմել դատարան:

Ի դեպ, աբսուրդի շքահանդեսը շարունակվում է. «Հրապարակի» դեմ այս օրերին պատրաստվող դատական հայցերից մեկը, որի հեղինակը փաստաբան Արթուր Գրիգորյանն է, ըստ մեր տեղեկությունների, վերաբերում է «քոմենթներին», որը մեր կայքում գրում են ընթերցողները` հոդվածների տակ: Ընթերցողների կարծիքն ինտերնետ տարածքում հրապարակելու համար փաստաբանը մեզնից 18 մլն դրամ է պահանջում:

Այս եւ այլ դատական գործընթացները կասեցնելու համար երեկ թերթերի մի խումբ խմբագիրների հավաք է եղել, որի ժամանակ քննարկվել է համատեղ գործողությունների ծրագիր: