Ֆրանսիայի դեսպանը Ազնավուրի հարցազրույցը չի կարդացել

Ծանոթ չէ Ազանվուրի հարցազրույցին եւ չի կարող մեկնաբանել այն. այսօր լրագրողների հետ հանդիպման ժամանակ ասաց Հայաստանում Ֆրանսիայի արտակարգ եւ լիազոր դեսպան Անրի Ռենոն, սակայն չզլացավ հիշեցնել հայ-ֆրանսիական հարաբերությունների վրա Շառլ Ազնավուր ունեցած հսկայական ազդեցության մասին:

Անգամ լրագրողների կողմից հարցազրույցի բովանդակությունը ներկայացնելուց հետո դեսպանն ամեն կերպ խուսափեց  որեւէ մեկնաբանություն տալուց:  Փոխարենը նշեց, որ Ֆրանսիայի նախագահ Նիկոլա Սարկոզին Ազնավուրի հանդեպ ընդգծված դրական վերաբերմունք ունի, իսկ Ազնավուր-Հայաստան կապն ավելի է ամրապնդվել ու խորացել, երբ այստեղ նրա տուն-թանգարանն է բացվել: Դեսպանը նաեւ հիշեցրեց, որ մեծ ստեղծագործողի վերջին` բարեգործական համերգի հասույթը «Ազնավուրը Հայաստանին» հիմնադրամը ծառայեցնելու է ի նպաստ Հայաստանի: