Ադրբեջանը Իրանից "գողանում է" Նիզամիին

Բաքվում հերթական հիստերիան է, այս անգամ` իրանական Fars եւ Tehran Times լրատվամիջոցների դեմ, որոնք, տեսեք-տեսեք, փորձել են «խեղաթյուրել» Նիզամիի ազգությունը` «մեծ ադրբեջանցուն իրանցի պոետ ներկայացնելով»:

Երկրի մշակույթի նախարարությունը հանդես է եկել հայտարարությամբ, թե բոլոր պատմական, գրականագիտական աղբյուրները «անհերքելի ապացույցներ են պարունակում, որ Նիզամին ադրբեջանական պոետ է, ծնվել, ապրել ու ստեղծագործել է «ադրբեջանական հնագույն Գյանջա (Գանձակ) քաղաքում»:

«Ինը դար շարունակ Նիզամիի ստեղծագործությունները պատկանել են Ադրբեջանի մշակութային եւ պատմական ժառանգությանը»,- ասվում է հայտարարության մեջ: Ընդ որում` նախարարությունն անհեթեթ փաստարկ է բերում` նշելով, թե այն, որ Նիզամին գրել է ֆարսիով, այն ժամանակվա գրական ավանդույթն է եւ չի կարող վկայել նրա ազգային պատկանելության մասին: