Ռուսաստանը եւ Հայաստանը կստեղծեն ռազմական համատեղ ձեռնարկություններ

Ռուսաստանը եւ Հայաստանը կստեղծեն զենքի եւ ռազմական տեխնիկայի վերանորոգման ու տեխնիկական սպասարկման համատեղ ձեռնարկություններ. Новости գործակալության հետ հարցազրույցում ասել է ՀՀ պաշտպանության նախարարի առաջին տեղակալ Դավիթ Տոնոյանը:

Ըստ նրա` դա հիմնականում վերաբերում է ռուսական արտադրության զրահատեխնիկային, հակաօդային պաշտպանության միջոցներին, ուղղաթիռներին, նաեւ «ՈՒԱԶ մակնիշի» ավտոմեքենաներին: Օրինակ` ՀՀ պաշտպանության նախարարության բեռնատար մեքենաների վերանորոգման եւ սպասարկման հարցերով կզբաղվի արդեն ստեղծված «ԿԱՄԱԶ-Հայաստան» համատեղ ձեռնարկությունը:

Դ. Տոնոյանը նշել է, որ քննարկվել է նաեւ ռուս-բելառուսական «Պաշտպանական համակարգեր» ֆինանսա-արդյունաբերական խմբում Հայաստանի մի շարք ձեռնարկությունների ընդգրկման հարցը: