Թուրքից էլ ի՞նչ էին սպասում

Կիպրոսի ուղղափառ եկեղեցու առաջնորդ Խրիզոսթոմոս Երկրորդը, որը պաշտոնական այցով Վրաստանում է, Վրաց պատրիարք Իլյա Երկրորդից «ցանկացած հնարավոր» օգնություն է խնդրել թուրքերի դեմ:

«Այսօր թուրքերի կողմից օկուպացված տարածքներում գտնվող ավելի քան 500 ուղղափառ եկեղեցիներ եւ վանքեր ցավալի վիճակում են: Դրանց մի մասը ոչնչացվել է, մի մասն էլ վերածվել մզկիթների, գիշերային ակումբների, նույնիսկ` ախոռների: Սրբապատկերները եւ եկեղեցական գույքը վաճառվել են Եվրոպայում եւ ԱՄՆ-ում»,- ասել է նա:

Ըստ արքեպիսկոպոսի` Կիպրոսի եկեղեցին բազմիցս պահանջել է, որ թուրքական անօրինական վարչակարգը հնարավորություն տա վերականգնելու եկեղեցիները, սակայն որեւէ պատասխան չի ստացել: Նա հավելել է, որ 1974-ին կղզու 37 տոկոսը զավթած Թուրքիան դեմ չէ ձեռք գցել նաեւ մնացած տարածքները, այդ նպատակով թուրքերը էթնիկ զտումներ են իրականացնում` արտաքսելով ուղղափառ հույներին եւ վերաբնակեցնելով Անատոլիայից եկած մահմեդականներին: