Հասարակական տրանսպորտի դիտարկում` Երեւանում

Վաղվանից Ճանապարհային ոստիկանությունը կսկսի քաղաքային տրանսպորտի դիտարկումը, որին կմասնակցեն նաեւ Երեւանի քաղաքապետարանի ու վարչական շրջանների աշխատակազմերի բոլոր աշխատակիցները` երթեւեկելով բացառապես հասարակական տրանսպորտով: Այս մասին հերթական աշխատանքային խորհրդակցության ժամանակ ասել է Երեւանի քաղաքապետի առաջին տեղակալ Տարոն Մարգարյանը:

Նպատակն է վերահսկել քաղաքային տրանսպորտի տեխնիկական ու քանակական վիճակը, սպասարկման որակը:

Կարճ ժամանակում պետք է ապահովվի մայրաքաղաքի բոլոր դպրոցներին եւ մանկապարտեզներին հարակից փողոցների հետիոտն անցումների գծանշումը: Հսկողություն կսահմանվի նաեւ ստորգետնյա անցումների եւ քաղաքային շուկաների սանհանգույցների սանիտարահիգիենիկ վիճակի ապահովման համար: