Բացահայտվել է կաշառակերության դեպք

ՀՀ ոստիկանությունից yerkir.am-ին հայտնում են, որ օգոստոսի 23-ին ոստիկանության ԿՀԴՊ գլխավոր վարչությունում օպերատիվ տեղեկություններ էին ստացվել, որ Հայաստանի պետական ճարտարագիտական համալսարանի Վանաձորի մասնաճյուղի հեռակա ուսուցման բաժնի դեկան Հենրիկ Հակոբյանը նույն մասնաճյուղի հեռակա բաժնի 4-րդ կուրսի մի ուսանողից, առանց խոչընդոտների նշված համալսարանի հեռակա բաժին ընդունվելու համար, պահանջել և ստացել է 1.500 ԱՄՆ դոլար կաշառք:

Հետագայում եւս` 2008 թ.-ից մինչև 2011 թ. ընկած ժամանակահատվածում, դասերից բացակայելու փաստը կոծկելու, ընթացիկ քննությունների, ստուգարքների ու ստուգողական աշխատանքների ստացման համար նա նույն ուսանողից պահանջել և ստացել է 480.000 դրամ կաշառք:

Կատարվում է նախաքննություն: