Բազմաբնակարան շենքերի խնդիրը 2012-ից կլինի կառավարության ուշադրության կենտրոնում

Հայաստանում շուրջ 21000 բազմաբնակարան շենքեր կան, դրանց զգալի մասը խրուշչովյան տարիներին են կառուցվել: Ֆիզիկական մաշվածության աստիճանը բավական բարձր է, եւ դրանք վթարային դառնալու լուրջ խնդիր ունեն: Այսօր կառավարության նիստի ժամանակ այս մասին ասաց ՀՀ վարչապետ Տիգրան Սարգսյանը:

Նա նշեց, որ, ավարտելով աղետի գոտու բնակարանային շինարարության ծրագիրը, կառավարությունը 2012թ. ձեռնամուխ կլինի նոր ծրագրի իրականացմանը եւ ամեն տարի գումարներ կհատկացնի բազմաբնակարան շենքերի խնդիրները լուծելու համար:

«Մենք բոլոր հնարավոր գործիքները պետք է օգտագործենք այս խնդիրը լուծելու համար: Այս փուլում լուծեցինք անօթեւանների խնդիրը, բայց երկրորդ փուլում մեր ուշադրության կենտրոնում հայտնվելու են սոցիալապես անապահով ընտանիքները, որոնք ունեն նման խնդիրներ»,- նշեց վարչապետը: