Ընտրացուցակներում անճշտությունները շատ չեն լինի

Այսօր սկսվել է սեպտեմբերի 18-ին Արցախում կայանալիք տեղական ինքնակառավարման մարմինների ընտրությունների քվեաթերթիկների տպագրությունը. տեղեկանում է ԼՂՀ Կենտրոնական ընտրական հանձնաժողովի կայքը։:

Հանձնաժողովը ընտրությունների վերջին պատրաստությունն է տեսնում. արդեն ավարտվել է Ստեփանակերտում եւ շրջաններում տեղամասային ընտրական հանձնաժողովների անդամների ուսուցումը։ ԿԸՀ նախագահ Ռաշիդ Պետրոսյանի հավաստմամբ՝ ՏԻՄ ընտրությունների համար կազմավորված բոլոր ՏԸՀ-ները համալրված են որակավորում ստացած անդամներով, առկա են բոլոր պայմանները ընտրությունները պատշաճ մակարդակով եւ ընտրական օրենսդրության պահանջներին համապատասխան անցկացնելու համար։

Ճշտումներ են կատարվել նաեւ ընտրացուցակներում։ ԿԸՀ նախագահի խոսքերով` նախորդ տարիների համեմատ, անճշտությունները մեծ թիվ չեն կազմի։ Այսօրվանից ընտրացուցակները կփակցվեն տեղամասային կենտրոններում: