168 ԺԱՄ. Բուքմեյքերները տխուր են

Մեր տեղեկություններով` ՀՀ ֆուտբոլի հավաքականի հաղթանակը Հայաստանում ուրախացրել է բոլորին, բացի տեղական շուկայում գործող բուքմեյքերական ընկերություններից:

Բանն այն է, որ բուքմեյքերներն ի սկզբանե չէին հավատում Հայաստանի հավաքականի հաղթանակին եւ գնահատել էին այն մոտ 8 գործակցով: Սպասվածին հակառակ, մեծ թվով հայաստանցի ֆուտբոլասերներ, առաջնորդվելով թերեւս ոչ այնքան էլ մասնագիտական կարծիքներով, այլ զգացմունքներով, խաղադրույքներ են կատարել Հայաստանի օգտին:

Խաղադրույքների մեծ հոսքը ստիպել է, որ գործակիցն իջնի, խաղի մեկնարկից առաջ ՀՀ հաղթանակի գործակիցը գնահատվում էր արդեն 6 գործակցով: Սակայն անգամ գործակցի նվազելուց հետո մեծ գումարների խաղադրույքներ են եղել: Արդյունքում` ֆուտբոլասերները շահել են թե' բարոյապես, թե' ֆինանսապես: