Ծեծը վերադառնում է բրիտանական դպրոցներ

Բրիտանական իշխանությունները դպրոց են վերադարձնում աշակերտների դաստիարակության դաժան մեթոդները. տեղեկացնում  mignews.com-ը:

Երկրի կրթության նախարար Մայքլ Գոուվը հայտարարել է, որ հարկավոր է թույլատրել ուսուցիչներին ֆիզիկական ուժ կիրառել անկարգապահ աշակերտների նկատմամբ, այդպիսով` վերականգնել լոնդոյան անկարգությունների հետեւանքով խաթարված` մեծահասակների հեղինակությունը:

«Թույլ տվեք պարզ խոսել: Եթե որեւէ հայր ներկայումս դպրոցում լսի` «ներեցեք, մենք իրավունք չունենք ֆիզիկապես պատժելու ձեր երեխային», ապա այդ դպրոցը ճիշտ չէ: Խաղի կանոնները փոխվել են»,- հայտարարել է նախարարը: Նա նաեւ ցանկություն է հայտնել, որ դպրոցներում ավելի շատ լինեն տղամարդ ուսուցիչները, հատկապես` տարրական դասարաններում:

Կառավարությունը մտադիր է նաեւ այս աշնանից դպրոցներում աշխատանքի ընդունել նախկին զինծառայողների: