Գվատեմալցիները դատի են տվել ԱՄՆ կառավարությանը

ԱՄՆ նախագահական հանձնաժողովը քննարկել է մի զեկույց, ըստ որի` Գվատեմալայի 83 բնակիչներ մահացել են 1940-ական թվականներին ԱՄՆ-ից եկած գիտնական-բժիշկների կողմից  սեռական վարակներով կանխամտածված վարակվելու հետեւանքով:

Հարյուրավոր գվատեմալցիներ` բանտարկյալներ, հոգեբուժարանների հիվանդներ, մանկատների սաներ, ԱՄՆ կառավարության ֆինանսավորմամբ իրականացվող ծրագրի շրջանակներում հակառակ իրենց կամքին վարակվել են սիֆիլիսով եւ հոնորեայով, ապա նրանց վրա ստուգվել է պենիցիլինի արդյունավետությունը:

Եվ միայն 2010 թվականի հոկտեմբերին ԱՄՆ-ը խոստովանել է, որ ամերիկացի բժիշկները նման գիտափորձեր են իրականացրել: Նախագահ Բարաք Օբաման ներողություն է խնդրել իր գվատեմալցի գործընկեր Ալվարո Կոլոմից: Ներկայումս գվատեմալցիները դատի են տվել ԱՄՆ կառավարությանը: