Հայր ես, ինչ ես, մի հատ թարգը տվեք այդ աղանդավորների մասին խոսել

Երևանի Հարավարևմտյան թաղամասի Սուրբ Երրորդություն եկեղեցու հոգևոր հովիվ Եսայի քահանա Արթենյանը eMedia.am կայքի հետ զրույցում հայտնել է, որ նախորդ կիրակի եկեղեցու հյուրն է եղել հայր Կոմիտասը, ով կիրակնօրյա քարոզի ընթացքում ներկաների հետ զրուցել է «Կյանքի խոսք», «Եհովայի վկաներ» և այլ աղանդավորական շարժումների գործունեության մասին: Իսկ նույն օրվա երեկոյան նրան զանգահարել ու սպառնացել:

«Նրա բջջային հեռախոսին զանգահարել են փակ համարից եւ պահանջել դադարեցնել նման քարոզչությունը` ասելով. «Հայր ես, ինչ ես, մի հատ թարգը տվեք այդ աղանդավորների մասին խոսել: Էդ թեմաներն էլ չշոշափեք: Եթե սենց բաներ նորից կրկնվի, տես չփոշմանես»,- պատմել է Եսայի քահանան` հավելելով, որ դեռևս հայտնի չէ, թե ով է զանգել, սակայն քայլեր են ձեռնարկվելու սպառնացողին բացահայտելու համար: