Լոնդոն-2012. մեդալների էվոլյուցիոն զարգացումը (ինֆոգրաֆիկա)

Լոնդոնի 2012-ի ամառային օլիմպիական խաղերը, դեռ չմեկնարկած, լի են ինտրիգներով, լեգենդներով, հիմնավորված և չհիմնավորված դիտողություններով:

2012-ի տարբերանշանը մեծ աղմուկ բարձրացրեց, ամիսներ առաջ մենք այս թեմային անդրադարձել ենք «Մարզական շաբաթ» էջի շրջանակներում և ներկայացրել տարբերանշանների էվոլյուցիան: 

Ամառային օլիմպիադաների մեդալները հստակ բովանդակություն ունեն, դրանց վրա հունական աստվածներն են պատկերված: Լոնդոնյան մեդալների դիզայներ Դևիդ Ուոտկինսը տվել է սիմվոլները հասկանալու բանալիները: Աստվածուհին, որ պատկերված է մեդալի վրա հունական Նիկե հաղթանակի աստվածուհին է, ով խորհրդանշում է հունական հողի վրա հավերժական թևածող հաղթանակը։ Մեդալի մյուս երեսի գծերը, որոնք լոգոտիպի տակ են, մասնակիցներին էներգիա և միասնություն հաղորդելու համար են: Խորհրդանշանի միջով անցնող տոնական ժապավենը անգլիական Թեմզա գետն է:

 Այժմ ձեզ ենք ներկայացնում ամառային օլիմպիական խաղերի մեդալների էվոլյուցիոն զարգացումը Timeline-ի տեսքով: