21-ամյա Անին վրաերթ է կատարել ու "ավանս" ստացել

Գլենդելի 21-ամյա բնակչուհի Անի Ոսկանյանը ընդունել է սպանության գործով իր մեղավորությունը` դատարանի վճիռը մեղմելու համար: Ինչպես հաղորդում է glendalenewspress.com կայքը, Անին հայտարարել է, որ չի ցանկանում վիճարկել իր նկատմամբ ներկայացված մեղադրանքը։

2010 թ. Ոսկանյանը բջջային հեռախոսով SMS գրելու ժամանակ իր ավտոմեքենայով վրաերթի էր ենթարկել 80-ամյա Միսակ Ռանջբարին, որը որոշ ժամանակ անց մահացել էր հիվանդանոցում՝ գլխի հատվածում ստացած ծանր վնասվածքից։ Լոս Անջելեսի գերագույն դատարանի դատավորը, հաշվի առնելով Ոսկանյանի հայտարարությունը, վճռել է նրան 3-ամյա պայմանական ազատազրկման և 300-ժամյա հասարակական աշխատանքի դատապարտել:

Եվ քանի որ Անին ընդունել է իր մեղավորությունը եւ, հավանաբար, ունեցել լավ իրավաբան, նրան տվել են նաեւ «ավանս»` Ոսկանյանը «Ավտոմեքենա վարելու ժամանակ SMS գրելու վտանգավոր հետևանքների մասին» թեմայով դասախոսությունների ծրագիր պետք է մշակի դպրոցականների համար։

Նման դասախոսությունների ծրագիր մշակելու համար արժե հասնել ԱՄՆ եւ հեռախոսով խոսելու ժամանակ անզգուշաբար մարդ գցել մեքենայի տակ, փոխարենը կասես` ԱՄՆ-ում դասախոսել եմ: