Ոսկու գինը ռեկորդ է սահմանել

Երեկ պատմության մեջ առաջին անգամ ոսկու համաշխարհային գինը ռեկորդ է սահմանել` անցնելով ունցիայի համար 1880 դոլարի սահմանը` 1881,40 դոլար:

Յոհաննեսբուրգի բորսայի տարածած հաղորդագրության համաձայն` ներդրողները «շրջվել են դեպի դեղին մետաղը` երկյուղելով երկրագնդի առաջատար տնտեսությունների ռեցեսիայից»:

Ոսկու գների մակարդակն այս ամսվա սկզբի համեմատ աճել է 15 տոկոսով: Ընդհանուր առմամբ` անդադար աճը սկսվել է 2009-ի փետրվարից: Համաշխարհային տնտեսության անորոշության ֆոնին ոսկին համարվում է ամենավստահելի կապիտալը. զարգացող երկրների կենտրոնական բանկերն իրենց արժութային պահուստները ոսկի են դարձնում:

Վերլուծաբանների կանխատեսումներով` մինչեւ այս տարեվերջ ոսկին կթանկանա ունցիայի համար մինչեւ 2500 դոլար: