ԺՈՂՈՎՈՒՐԴ. Արզաքանցյանը մանդատ ստանալու համար գրպանն ավելի լայն է բացելու

ԱԺ պատգամավոր Տիգրան Արզաքանցյանն օրերս եղել է իր հայրենի շրջանում`Գավառում, և հանդիպել տեղական մի քանի պաշտոնյաների հետ: Համաձայն «Ժողովուրդի» տեղեկությունների` պատգամավորի այցելության նպատակը եղել է այն, որ տեղական պաշտոնյաներն առաջիկա խորհրդարանական ընտրություններում աջակցեն իրեն: Բանակցություններն ընթացել են, սակայն, մեր աղբյուրների փոխանցմամբ, ոչ մի պաշտոնյա Արզաքանցյանին որևէ խոստում չի տվել: Պատճառն այն է, որ  Արզաքանցյանը Գավառում նման սրտացավությամբ հյուրընկալվում է հիմնականում համապետական ընտրություններից առաջ: Ըստ «Ժողովուրդ»-ի տեղեկությունների`այս անգամ «Գրեյթ վելլի»  սեփականատերը պատրաստվում է ավելի լայն բացել իր գրպանները`պատգամավորական մանդատ ստանալու համար: Քանի որ Արզաքանցյանը երբևիցե մեր հեռախոսազանգերին չի պատասխանում, ուստի տեղեկությունը փորձեցինք ճշտել նրան պատկանող «Գրեյթ վելլի» ընկերությունից: Միացանք խանութի աշխատակցուհուն, որն ասաց, թե բոլորն արձակուրդի մեջ են: