Անգլիայում բախումները շարունակվում են

Անգլիայի տարբեր քաղաքներում սկսված անկարգությունները հասել են մինչեւ Լիվերպուլ: Այստեղ բազմաթիվ մեքենաներ են այրվել: Անգլիական ոստիկանությունը հայտարարել է, որ քաղաքի փողոցներում որեւէ բռնարարք անպատիժ չի մնալու եւ անկարգությունները կանխելու համար կոշտ միջոցներ են ձեռնարկվելու:

Բազմաթիվ երիտասարդներ են ձերբակալվել, հրկիզվել են նաեւ ոստիկանական բաժանմունքներ: Մայրաքաղաք Լոնդոնում  էլ արդեն երրորդ օրն է անկարգությունները չեն դադարում:

Այս ամենի պատճառով Իտալիայում ամառային արձակուրդներն անցկացնող վարչապետ Դեյվիդ Քամերոնը կիսատ է թողել հանգիստն ու վերադարձել Լոնդոն:

Նախատեսվում է, որ նա արտահերթ նիստեր կհրավիրի եւ հանդիպումներ կունենա ներքին գործերի նախարարության, Ոստիկանության եւ շտապ բուժօգնության պատասխանատուների հետ: