Ն.Մամեդովը ցիտում է Լևոն Տեր Պետրոսյանին

Ադրբեջանի նախագահի աշխատակազմի միջազգային հարաբերությունների բաժնի ղեկավար Նովրուզ Մամեդովը Gun.az-ին տված հարցազրույցում մեջբերել է Լևոն Տեր Պետրոսյանին և հայտարարել.
«Մենք մի նշանավոր ասացվածք ունենք, շունը քնում է սայլի շվաքին, կարծում է, թե իր շվաքն է: Այժմ նրանց էլ՝ տեղն ընկած տեղը, աչքերը քոռանում, ականջները խլանում են և իրենց համարում են շվաք ունեցող, սկսում են իրենց ազատ զգալ: Վաղը եթե իրավիճակը փոխվի, նույն պահին ծնկի կչոքեն: Այդ մասին հայերին ասել է նաև նրանց նախկին նախագահ Լևոն Տեր-Պետրոսյանը: Նա ասել է, որ հնարավորություն ունենք, եթե այս հարցն արդար լուծենք, կշահենք, այլապես կգա, այնպիսի մի ժամանակ, որ եթե նույնիսկ արցունք թափենք ու աղաչենք, միևնույն է ոչ ոք զիջման չի գնա»: