ՀԱՅԿԱԿԱՆ ԺԱՄԱՆԱԿ. Գազի Հովոն վերադարձել է

Հայկական Ժամանակը գրում է. Գազի Հովոն` «Հայռուսգազարդի» Արարատի մասնաճյուղի նախկին տնօրեն Հովհաննես Ղազարյանը նախօրեին վերադարձել է Արտաշատ: Ղազարյանը շուրջ երկու տարի հետախուզման մեջ էր եւ թաքնվում էր իրավապահներից:

Թերթը հիշեցնում է, որ նրա եւ ԱԺ նախագահ Հովիկ Աբրահամյանի միջեւ լուրջ հակասություն էր ծագել. ԱԺ նախագահի եւ նրա եղբոր` ԱԺ նախկին պատգամավոր Ջոնիկ Աբրահամյանի որդիները այրել էին Ղազարյանի տաքսի ծառայության մեքենաները, իսկ Ջոնիկ Աբրահամյանը, ըստ Ղազարյանի կնոջ, կրակ էր բացել նրանց տան վրա:

Արտաշատի ոստիկանությունը կիրառել է համաներում, քրգործը կարճվել է, իսկ Ղազարյանի նկատմամբ հետախուզումը` դադարեցվել: