Գայլերն Արծվաքարում ոչխարներ են հոշոտել

Արծվաքարում գայրերը գիշերը հոշոտել են Սիմոնյանների ընտանիքին պատկանող ոչխարներին:

«Առավոտյան տեսա, որ հոշոտված ոչխարները փռված են բակում. երկուսին  գայլերն ամբողջությամբ կերել են, մնացածին` պատառոտել: Անասուններին այնպես են հոշոտել, որ միսը սննդի նպատակով պիտանի չէ»,- պատմեց տանտիրուհին` հավելելով, որ բավական մեծ վնաս է հասցվել եւ խնդրեց պատկան մարմիններին` հետեւություններ անել:

Արծվաքարցի Աշոտ Մանուկյանը նշում է, որ գյուղի մյուս հատվածում էլ գայլերը կերել են մեկի էշը, մեկ այլ գյուղացու` ոչխարները:

Ըստ գյուղի բնակիչների` առաջին անգամ չէ, որ գայլերը հոշոտում են անասուններին: նակիչներն անհանգստանում են եւ ահազանգում, որ մի օր էլ իրենց երեխաները կամ հարազատները կարող են դառնալ գայլերի հերթական թիրախը:

Անի Պողոսյան

Դիտակետ