Բրեյվիկը բաց դատավարության հույս ունի

Նորվեգացի դահիճը, որը Օսլոյի կառավարական թաղամասում եւ Ուտոյա կղզում ահաբեկչություններ էր իրականացնել, հանցագործության գնալիս գիտակցել է, որ ամբողջ մնացյալ կյանքը բանտում է անցկացնելու:

Ի դեպ, դատարանում պարզվել է, որ Անդերս Բերինգ Բրեյվիկի օրինակին են պատրաստ հետեւել երկու արմատական խմբավորումներ եւ շարունակել նրա արյունալի գործունեությունը:

Բրեյվիկն իրեն մեղավոր չի ճանաչում, քանի որ իր նպատակն է եղել Եվրոպան «մահմեդական արշավանքից» փրկելը: Նա հույս է հայտնել, որ դատավարությունը բաց կլինի, եւ ինքը հնարավորություն կունենա հանրությանը ներկայացնելու իր դիրքորոշումը:

Բրեյվիկի դատապաշտպանի կարծիքով` նա իրականությունն անբնական է ընկալում: Օրինակ` նրա պատկերացումները նորվեգական բանտերի մասին այլ են. կարծում է, որ բանտում դեռ կտտանքներ են կիրառվում:

Ըստ փաստաբանի` մոտ ժամանակներս դատաբժշկական փորձագետները կարծիք կհայտնեն Բրեյվիկի հոգեկան վիճակի մասին: