Գործազուրկների թիվը նվազել է

2011թ. հունվար-մայիս ամիսներին, հանրապետությունում գրանցված տնտեսության աճով պայմանավորված, ավելացել է նոր ստեղծված աշխատատեղերի թիվը:

Զբաղվածության պետական ծառայության կողմից հայտնաբերված թափուր աշխատատեղերի թիվը հուլիսի դրությամբ կազմել է 1814, որը նախորդ տարվա նույն ժամանակահատվածի համեմատ աճել է 12.7 տոկոսով (1579 աշխատատեղ), իսկ աշխատանքի տեղավորվածների թիվը 18.8 տոկոսով գերազանցել է նախատեսված ցուցանիշը եւ կազմել է 5641 մարդ:

Հուլիսի 1-ի դրությամբ` հանրապետությունում գրանցված գործազրկության մակարդակը նվազել է 0.4 տոկոսով եւ կազմել է 6.6 տոկոս: Նվազման միտում է նկատվել նաեւ պաշտոնապես գրանցված գործազուրկների եւ նպաստառու գործազուրկների թվում: