Մարտեր` Իրանի եւ Իրաքի սահմանին

«Քուրդիստանի ազատ կյանք» կուսակցության զինյալների (PJAK` PKK-ի իրանյան թևը) և իրանական զորամիավորումների միջև բախումներ են տեղի ունենում. տեղեկացնում է քրդական «Ֆըրաթ» գործակալությունը:

Իրանական բանակը քուրդ զինյալների դեմ Իրաքի հետ սահմանին լայնածավալ գործողություն է սկսել հուլիսի 16-ին։ Միայն վերջին 3 օրերի ընթացքում բախումների հետևանքով զոհվել են 125 իրանցի զինվորեր եւ 7  քուրդ զինյալներ:

Քրդերի կողմից մարտերին մասնակցում են նաեւ կանայք, ովքեր Իրանի Մերիվան քաղաքում հարձակում են իրականացրել ռազմական ավտոշարասյան վրա. սպանվել է 15 իրանցի զինվոր։

Ներկայումս բախումները ժամանակավորապես դադարել են, սակայն իրանական կողմը շարունակում է ռմբակոծել Իրաքի սահմանամերձ քրդական շրջանները։