Ամեն ինչ կանեմ

«Երազում եմ մի օր Անիի ավերակներում հարյուրամյա հայկական ժողովրդական մի երգ կատարել»,- ասել է ստամբուլահայ երգչուհի Սիբիլ Փեքթորոսօղլուն, ում կատարմամբ առաջին հայերեն երգը վերջին ժամանակներս հայտնվեց Թուրքիայի առաջատար երաժշտական հեռուստաալիքների եթերում:

Թուրքական «Սաբահ» թերթի հետ զրույցում երգչուհին ասել է, որ հնարավոր ամեն բան կանի, որպեսզի հայերենը պահպանվի:

«Եթե նախկինում հայկական երգերի տեսաերիզները ԱՄՆ-ից կամ Հայաստանից էինք այստեղ բերում, ապա հիմա ինքներս ենք այստեղից ուղարկում»,- ուրախությամբ հայտարարել է նան:

Հիշեցնենք, որ վերջերս Թուրքիայի երաժշտական հեռուստաալիքների և TRT-ի եթերում Փեքթորոսօղլուի կատարմամբ առաջին անգամ հայտնվել է Հովհաննես Շիրազի «Նամակ» ստեղծագործության հիման վրա գրված համանուն երգի տեսահոլովակը: