Նախագահը հաստատել է ԿԸՀ նոր կազմը

Նախագահ Սերժ Սարգսյանը հրամանագիր է ստորագրել Կենտրոնական ընտրական հանձնաժողովի անդամներ նշանակելու մասին:

Ղեկավարվելով Հայաստանի Հանրապետության ընտրական oրենսգրքի 40-րդ հոդվածի 1-ին և 167-րդ հոդվածի 3-րդ մասերով, հիմք ընդունելով Կենտրոնական ընտրական հանձնաժողովի անդամներ նշանակելու մասին առաջարկությունները, նախագահը որոշել է.

Կենտրոնական ընտրական հանձնաժողովի անդամներ նշանակել`

Արտակ ՄԵԼԻՔՍԵԹՅԱՆԻՆ` Մարդու իրավունքների պաշտպանի առաջարկած անդամ՝ երեք տարի պաշտոնավարման ժամկետով,

Տաթևիկ ՕՀԱՆՅԱՆԻՆ` Մարդու իրավունքների պաշտպանի առաջարկած անդամ՝ հինգ տարի պաշտոնավարման ժամկետով,

Արմեն ՍՄԲԱՏՅԱՆԻՆ` Մարդու իրավունքների պաշտպանի առաջարկած անդամ՝ յոթ տարի պաշտոնավարման ժամկետով,

Լաուրա ԳԱԼՍՏՅԱՆԻՆ` Հայաստանի Հանրապետության վճռաբեկ դատարանի նախագահի առաջարկած անդամ՝ հինգ տարի պաշտոնավարման ժամկետով,

Գարեգին ԱԶԱՐՅԱՆԻՆ` Հայաստանի Հանրապետության վճռաբեկ դատարանի նախագահի առաջարկած անդամ՝ յոթ տարի պաշտոնավարման ժամկետով,

Գեորգի ՄԱՐՏԻՐՈՍՅԱՆԻՆ` Հայաստանի Հանրապետության փաստաբանների պալատի նախագահի առաջարկած անդամ՝ երեք տարի պաշտոնավարման ժամկետով,

Սիլվա ՄԱՐԿՈՍՅԱՆԻՆ` Հայաստանի Հանրապետության փաստաբանների պալատի նախագահի առաջարկած անդամ՝ հինգ տարի պաշտոնավարման ժամկետով: