Պակիստանի հետախուզության ղեկավարը շտապ մեկնել է Վաշինգտոն` հաշտվելու

Պակիստանի հետախուզության ղեկավարը շտապ մեկնել է Վաշինգտոն` չծրագրված բանակցությունների, քանի որ մի քանի օր առաջ ԱՄՆ-ը կրճատել է այդ երկրին հատկացվելիք ռազմական օգնությունը:

Այս պահին գեներալ-լեյտենանտ Ահմեդ Շուջա Փաշայի մեկօրյա այցի մասին ոչինչ չի տեղեկացվում, սակայն հայտնի է, որ Պակիստանի ներքին հետախուզական գերատեսչության վրա ուժեղ ճնշում է գործադրվում. պահանջում են խզել բոլոր կապերը տեղի գրոհայինների եւ Աֆղանստանում ու Հնդկաստանում գործող կազմակերպությունների հետ. տեղեկացնում է mignews.com-ը:

Հունվար ամսից սկսած` ԱՄՆ-ի եւ Պակիստանի հետախուզական ծառայությունների հարաբերությունները վատանում են, պատճառների թվում նշվում են մի քանի համատեղ գործողությունները, որոնք սպասված արդյունքներին չեն հանգեցրել: