Քլինթոնը Ասադին զրկել է լեգիտիմությունից

ԱՄՆ պետքարտուղար Հիլարի Քլինթոնը հայտարարել է, որ Սիրիայի նախագահ Բաշար ալ Ասադը պաշտոնական Վաշինգտոնի տեսանկյունից կորցրել է իր լեգիտիմությունը: Նա ընդգծել է, որ չի համարում, թե Ասադն անփոխարինելի է Սիրիայի համար, եւ որ ԱՄՆ-ը ոչ մի պատճառ չունի հետաքրքված լինելու նրա կառավարմամբ. տեղեկացնում է Reuters-ը:

Պետքարտուղարը հայտարարել է, որ ԱՄՆ-ի նպատակը տարածաշրջանում սիրիական ժողովրդի` ժողովրդավարական բարեփոխումներ իրականացնելու պահանջի կատարումն է:

Ավելի վաղ, ԱՄՆ պետդեպարտամենտը խստորեն դատապարտել էր Սիրիայի իշխանություններին ամերիկյան դեսպանատան անվտանգությունը չապահովելու կապակցությամբ: Երեկ հարձակում էր եղել Դամասկոսում ԱՄՆ-ի եւ Ֆրանսիայի դեսպանատների վրա: Մասնավորապես` կոտրվել էին ամերիկյան դեսպանատան պատուհանները, նույնիսկ շենքի վրա բարձրացվել էր Սիրիայի դրոշը: