ԱԺ լսումներ արտագաղթը կանխելու շուրջ

Առաջիկայում խորհրդարանական լսումներ կկազմակերպվեն` նվիրված արտագաղթի խնդիրներին: Այս մասին Գյումրիում հայտարարել է Ազգային ժողովի նախագահ Հովիկ Աբրահամյանը:

Հարցին, թե ի՞նչ է պատրաստվում ԱԺ-ն ձեռնարկել արտագաղթը կանխելու կամ ծավալները նվազեցնելու համար, ԱԺ խոսնակը պատասխանել է. «Մտավորականները վերջերս գրավոր դժգոհություն հայտնեցին այս կապակցությամբ: Մենք մտադիր ենք կազմակերպել լսումներ ԱԺ-ում, պատրաստ ենք մեր հնարավությունները ներդնել, կառավարության հետ միասին լուծել այդ ցավոտ խնդիրը»:

Հովիկ Աբրահամյանն կարծիք է հայտնել, որ հնարավոր չէ այդ հարցը միանգամից լուծել, բայց, ըստ նրա, հնարավոր է մեղմել իրավիճակը. «Պատճառը սոցիալականն է, պետք է սոցիալական լարվածությունը մեղմել, աշխատատեղեր ստեղծել»: