Ցեմենտը կէժանանա

Ցեմենտի արտադրության ծավալները չեն նվազել, քանի որ Հայաստանում շինարարության մասշտաբներն էլ գրեթե նույնն են մնացել` նախորդ տարվա համեմատությամբ:

Իսկ ահա ցեմենտի գինը թանկացել է: Այն հարցին, թե ինչո՞ւ, օրինակ, եվրոպական երկրներում ցեմենտի 1 կգ-ն արժե 40 դրամ, իսկ մեզ մոտ` 70 դրամ, այսօր լրագրողների հետ հանդիպման ժամանակ «Միկա Լիմիթեդ» հոլդինիգի ղեկավար Միխայիլ Բաղդասարովը պատասխանեց, թե ցեմենտի իրական գինն անփոփոխ է, թանկացել են դրա համար օգտագործվող ռեսուրսները` գազը, հոսանքը:

Մյուս կողմից`  ցեմենտի գործարանը հին է, եւ արտադրության համար ավելի շատ ռեսուրսներ են ծախսվում, քան կծախսվեին արդի տեխնոլոգիաներով հագեցած գործարանի դեպքում:

Մ. Բաղդասարովը նշեց, որ ներկայումս արդիականացման աշխատանքներ են իրականացվում, եւ դրանց առաջին փուլի համար նախատեսվել է մոտ 4 միլիոն դոլար: Գործարանի արդիականացումից հետո ցեմենտի գները կնվազեն: