Կարապետիչն առաջարկություն է անում իշխանությանը

Այսօր Ժողովրդական կուսակցության նախագահ Տիգրան Կարապետյանի նախաձեռնությամբ ստեղծված «Ազգային ճակատը» կառավարությանը նոր`  վերջին կոչ-առաջարկությունները ներկայացրեց:

Հերթական վերջնագիրը բաղկացած է 7 կետից, դրանցում անդրադարձ կա Հայաստանի ինչպես ներքին հարցերին, այնպես էլ արտաքին քաղաքականությանը:

Մինչ կսկսվեր «Ազգային ճակատի» համաժողովը, Տիգրան Կարապետյանը լրագրողներին տեղեկացրեց, որ իրենք մասնակցելու են առաջիկա ընտրություններին: Նրա խոսքերով` իրենց պայքարը հանուն արդարության է:

 «Եթե իշխանությունը չի կարողանում ապահովել արդարություն, ապա պետք է հեռանա»,- հայտարարեց ԺԿ նախագահը:

Նա նշեց, որ իրենք, ի տարբերություն այլ ուժերի, ժողովրդից բացի, որեւէ մեկի հետ չեն բանակցելու: