ԺԱՄԱՆԱԿ. Երբ բենզինն օգտագործվում է որպես թմրանյութ

Գյումրիում շրջանառվող լուրերի համաձայն` Գյումրիի շտապօգնության կանչերը սպասարկող բժիշկ 65-ամյա Աշոտ Գրիգորյանին սպանած 28-ամյա Արտակ Կարապետյանը եղել է բենզինի ազդեցության տակ: Հիշեցնենք, որ երեւույթն արդեն ամիսներ է`  Գյումրիում մեծ տարածում ունի:

ՀՀ գլխավոր դատաբժիշկ Շոթա Վարդանյանը մեզ հետ զրույցում հաստատեց, որ տուժողը մահացել է ծեծի հետեւանքով: Մասնավորապես` դատաբժշկական փորձաքննության արդյունքում մահացածի վրա բազմաթիվ քերծվածքներ, արյան զեղումներ են հայտնաբերվել: 

Մեր հարցին, իսկ Արտակ Կաևրապետյանը դատաբժշկական փորձաքննության ենթարկվե՞լ է, եւ ճի՞շտ է այն վարկածը, որ նրա ուղեղը հնարավոր է բենզինի լուծույթից մթագնած լինի` պատասխանեց, որ իրենցից դեռ չեն պահանջել, որ Արտակ Կարապետյանին դատաբժշկական փորձաքննության ենթարկեն, բայց առաջիկայում չի բացառվում, որ նա էլ դատաբժշկական փորձաքննության ենթարկվի: