Դեմ են պանթյուրքիզմին

Կովկասի բնիկներ համարվող վայնահների` vkontakte սոցիալական ցանցի ադմինիստրացիան (http://vkontakte.ru/vainahsveras) կայքում հանդես է եկել հայ-ադրբեջանական պատմա-մշակութային հակամարտությանը վերաբերող հայտարարությամբ:

Նրանք հայտարարել են, որ պաշտպանում են հայկական կողմին, քանի որ հասկանում են, թե Ադրբեջանի վարած քաղաքականությունը եւ պանթյուրքիզմը ինչ վտանգ են ներկայացնում Կովկասի ժողովուրդների համար:

«Մենք սրբորեն հավատում ենք խոսքի եւ բոլոր ժողովուրդների հավասարությանը պատմական բանավեճերում: Սակայն Հայաստանին աջակցելը պատմական առումով ունի ռազմավարական կարեւոր նշանակություն Կովկասի ժողովուրդների, մասնավորապես` լեռնեցի ժողովուրդների պատմության համար: Մենք դեմ ենք ՊԱՆԹՅՈՒՐՔԻԶՄԻՆ, որն ուղղված է համամարդկային պատմության համընդհանուր խեղաթյուրմանը»,- ասվում է հայտարարության մեջ:

Նշվում է, որ այդ գաղափարախոսությանն արժանի հակահարված կարող է տալ միայն հայկական կողմը`ակադեմիական հարուստ նյութերով: