Վենեսուելական բանտում դատապարտյալներին գնդակահարել են

Վենեսուելական  Էլ Ռոդեո բանտում պահվողների հարազատները պնդում են, որ բանտային ընդվզումն ավարտվել է դատապարտյալների գնդակահարությամբ:

Բանտը նախատեսված է 750 բանտարկյալի համար, սակայն իշխանություններն այնտեղ պահում էին 3600 հոգու:

1999 թվականին էլ էր ապստամբություն բռնկվել, որն ավարտվել էր 27 բանտարկյալի մահով: Երեքշաբթի օրը ներկայիս ապստամբության ճնշման հետեւանքով զոհվել է 19, վիրավորվել` 20 մարդ. ըստ mignews.com-ի` տեղեկացնում է Վենեսուելայի ՆԳՆ-ն:

Բանտարկյալների հարազատները, սակայն, չեն հավատում պաշտոնական տվյալներին: Տեղի բնակիչները հավաստիացնում են, որ «բանտը գրոհով է վերցվել, եւ ամբողջ գիշեր լսվել են գնդացիրների կրակահերթեր ու ականների պայթյուններ»:

Մահացածների դիակները նույնականացնելու նպատակով բանտի դիահերձարան մտնելու թույլտվություն ստացած բարեկամներն ասում են, որ նրանք մահացել են ծոծրակին ստացած կրակոցից: