ՀԱՅԿԱԿԱՆ ԺԱՄԱՆԱԿ. 50 դրամի բրինձ

Գների պարբերաբար արձանագրվող աճը շարունակում է ավերիչ ազդեցություն թողնել բնակչության սոցիալական վիճակի վրա: Մարդիկ անշեղորեն բռնել են աղքատանալու ճանապարհը, եւ դա արդեն ողբերգական աստիճանի է հասնում:

Հայկական («Գումի») շուկայի հարեւանությամբ գտնվող մթերային խանութներից մեկի վաճառողուհին մեր թղթակցի հետ զրույցում երեկ պատմել է, որ նույն օրը հաճախորդներից մեկն իրենից 50 դրամի բրինձ է գնել: Ընդհանրապես, վաճառողների դիտարկմամբ, բնակչության գնողունակությունը վերջին մեկ տարվա ընթացքում անհամեմատ ընկել է: Մարդիկ շատ բաներ կա'մ ընդհանրապես դադարել են գնել, կա'մ էլ ստիպված են ձեռք բերել շատ փոքր քանակությամբ:

Իսկ մեր իշխանավորները գնանկում են խոստանում ու դա մի ժամանակահատվածից տեղափոխում մյուսը:

Գները, սակայն, այնքան են աճել, որ եթե նույնիսկ մի քիչ էլ իջնեն, ապա դրանից ոչինչ չի փոխվի: