Ադրբեջանը տուժել է հորդ անձրեւներից

Երեկ գիշեր տեղացած հորդ անձրեւների հետևանքով Ադրբեջանի Իսմայիլի շրջանում լեռներից եկող սելավաջրերը ողողել են 15 գյուղ եւ այդ բնակավայրերի հարակից ցանքատարածությունները:

Ինչպես տեղեկացնում են ադրբեջանական լրատվամիջոցները, շրջանում կյանքը լիովին կաթվածահար է եղել: Հեղեղներն անարգել լցվել են տները, քանդել ամրություններ, ճանապարհներ, քշել տարել ավելի քան 10 կամուրջ, վնասվել են էլեկտրական լարերը եւ հեռախոսակապը:

Ադրբեջանի արտակարգ իրավիճակների հանձնաժողովն ու փրկարար ծառայությունները առայժմ ոչնչով չեն կարողանում օգնել աղետյալներին, քանի որ բնակավայրերը գտնվում են լեռնային ու նախալեռնային գոտում, բացի այդ` ճանապարհներն անանցանելի են: