Արցախում բնակարանների գները նվազում են

Անշարժ գույքի գներն Արցախում նվազում են:

ԼՂՀ կադաստրի պետական կոմիտեի տվյալներով` եթե 2010թ. առաջին եռամսյակում բազմաբնակարան բնակելի շենքերում բնակարանների միջին շուկայական գինը 1 քառ. մետրի հաշվով կազմում էր 229 հազար դրամ, ապա այս տարվա նույն ժամանակահատվածում դրանք կարելի է ձեռք բերել 210 հազար դրամով:

Տեղեկացնենք, որ, 2009-ի համեմատ, 2010-ին գներն իջել են ավելի քան 11,6 տոկոսով` 2010թ. վերջին կազմելով 220 հազար դրամ, իսկ այս տարի` արդեն 210 հազար դրամ (գների փոփոխությունը 2010թ. չորրորդ եռամսյակի նկատմամբ կազմել է 4,5 տոկոս):

Նվազել են նաեւ առանձնատների գները. եթե 2010թ. առաջին եռամսյակում Ստեփանակերտում մոտ 200 քառ. մ շինությամբ եւ 1000 քառ. մ տնամերձով բնակելի տան միջին արժեքը կազմել էր 28 մլն 520 հազար դրամ, ապա 2011թ. նույն ժամանակահատվածում այն արդեն 27 մլն դրամ էր: